Идеяи баргузории мулоқоти шахсиро Ҷо Байден ҳангоми суҳбати телефонӣ бо Владимир Путин ба миён гузоштааст.
Ҳарду ҷониб ба мувофиқа расиданд, ки дар Швейтсария як нишасти Русияву Амрикоро созмон диҳанд.
Макони музокирот дар Женева бӯстонсарои таърихии Вилла Ла Гранж гардид.
Тибқи муқаррарот, барои музокироти Путин ва Байден дар Женева беш аз панҷ соат ҷудо карда шудааст.
Пас аз он, раҳбарони Иёлоти Муттаҳида ва Русия конфронси матбуотӣ хоҳанд кард.
Дар ин ҳамоиш, Путин ва Байден ният доранд, ки рушди муносибатҳои Русияву Амрико, муноқишаҳои минтақавӣ, амнияти стратегӣ, ҳамкориҳои иқтисодӣ ва муборизаи муштарак бо коронавирус ва мушкилоти иқтисодиро баррасӣ кунанд.
Истисно нест, ки пас аз музокирот президентҳо як бастаи санадҳоро тасвиб намоянд.