ДУШАНБЕ, 14 июн — Sputnik. Вазири корҳои хориҷии Украина Дмитрий Кулеба барои Русия шарте барои роҳандозии лоиҳаи “Маҷҷрои Шимолӣ - 2” пешниҳод кард, иттилоъ додааст РИА Новости.
"Мо мухолифи ин лоиҳа мебошем. Шарти оғози кори он бояд озод кардани қаламрави мо ва амнияти энержии Украина бошад. Ин ҷуброни одилона барои таҳдидҳо аст", - навиштааст Кулеба дар твиттер.
Вай қайд кард, ки ин масъаларо дар музокироти Берлин ба миён гузоштааст.
Лоиҳаи “Маҷрои шимолӣ-2” сохтани ду хатти лӯлаи газро бо иқтидори 55 миллиард метри мукааб дар як сол аз соҳили Русия тавассути баҳри Балтика то Олмон пешбинӣ мекунад.
Ба ин лоиҳа Украина шадидан мухолиф аст. Украина тарс дорад, ки даромаде, ки аз транзити гази Русия мегирад аз даст медиҳад.
Сохтмони лӯлаи газ аллакай дар арафаи анҷомёбист: қисми аввали лоиҳаи Маҷрои Шимолӣ-2 омодааст. Ба нақша гирифта шудааст, ки қисми дуюм дар зарфи якуним-ду моҳи дигар ба итмом расад.
Русия борҳо таъкид кардааст, ки лӯлаи газ ба Олмон як лоиҳаи тиҷоратист, ки ба сиёсат рабте надорад. Маскав ёдовар шуд, ки лӯлаи газ барои Иттиҳоди Аврупо муфид аст. Берлин, дар навбати худ, ҷонибдори ба итмом расонидани сохтмони “Маҷҷрои Шимолӣ-2” мебошад ва таҳримҳои яктарафаи Амрикоро қабул надорад.