ДУШАНБЕ, 8 июн - Sputnik. Филми бадеии "Илҳоқ" -и Ҷаҳонгир Аҳмадов ба забони тоҷикӣ тарҷума шудааст.
Дар ин бора дафтари матбуоти "Узбеккино" хабар додааст. Ин филм ба 75-солагии ғалаба дар Ҷанги Дуюми Ҷаҳонӣ бахшида шудааст.
Филм дар бораи сарнавишт ва таҷрибаи Зулфия Зокирова, ки панҷ фарзандашро ба ҷанг фиристодааст, нақл мекунад.
Қаблан филм бо забони русӣ тарҷима шуда буд ва бори аввал дар доираи Рӯзҳои кинои Ӯзбекистон дар Тоҷикистон, намоиш дода шуд.
Дар ояндаи наздик тарҷумаи филми бадеӣ ба забонҳои қазоқӣ, қирғизӣ ва туркманӣ ба нақша гирифта шудааст.
Ёдрас мешавем, ки Рӯзҳои кинои Ӯзбекистон аз 28 апрел то 1 майи соли 2021 дар шаҳри Душанбе барпо шуд.
Дар доираи ин ҳамоиш 3 филми ҳунарии "Илҳоқ", "Исёни арӯсон" ва "Хобҳои беранг", 3 филми мустанади "Посдори иттиҳод", "Қалби мардум", "Зери самои ягона" ва як филми тасвирии "Сандуқи сеҳрнок", манзури алоқамандони кино гардонида шуд.