ДУШАНБЕ, 7 июн — Sputnik. Муҳаммад Наим Назрӣ, муовини Комиссияи мустақили ҳуқуқи башари Афғонистон ахиран дар як нишасти матбуоти ба муносибати солрӯзи таъсиси ин комиссия эълом кард, аз миёни 301 ғайринизомии кушташудаи афғон, 20 нафараш зан ва 113 нафари дигар кӯдак будаааст, иттилоъ додааст хабаргузории “Парстудей”.
Бар асоси ин гузориш, дар ин муддат, 695 ғайринизомии афғон низ захмӣ шуданд.
Муҳаммад Наим Назрӣ бо ишора ба афзоиши себаробарии ин омор нисбат ба моҳи апрел афзуд, куштори ғайринизомиён аз ҷумлаи ҷароими байналмилалист, ки омилони он дар ҳар замоне ва дар ҳар нуқтаи ҷаҳон мавриди пайгарди қонунӣ қарор хоҳанд гирифт.
Афзоиши куштори ғайринизомии афғон дар ҳолест, ки Амрико ҳамвора бо ҳузури низомӣ ва дахолат дар музокироти сулҳи Афғонистон байни давлати ин кишвар ва гурӯҳи Толибон, омили аслии ба натиҷа нарасидани ин музокирот барои поёни ҷангу даргирӣ маҳсуб мешавад.