ДУШАНБЕ, 3 июн — Sputnik. Эҳтимол меравад, ки тирамоҳ дар Қирғизистон шакли хеле вазнини коронавирус пайдомешавад, гуфт вазири тандурустӣ ва рушди иҷтимоӣ Олимқодир Бейшеналиев дар ҷаласаи вакилони Жогорку Кенеш.
Вакили парлумон Бурун Амонова дар бораи ҳушдори Созмони Ҷаҳонии Беҳдошт (СҶБ) дар бораи он, ки тирамоҳ дар ҷаҳон метавонад вирусе вазнинтар аз COVID-19 пайдо мешавад, сухан гуфта аз омодагии Вазорати тандурустӣ суол кард.
"Ҳоло дар Қирғизистон панҷ шакли мутатсияшудаи COVID-19 дар гардиш аст, мо ташхис мегузаронем. Дар муқоиса бо коронавируси қаблӣ мушкилот камтаранд. Аммо онҳо мегӯянд, ки тирамоҳ шакли мутатсияшудаи вазнин, пайдо шавад", - гуфт вазир.
Ӯ афзуд, ки омодагӣ мебинанд ва олимону табибони қирғиз дар конфронсҳои байналмилалӣ иштирок намуда, дар бораи шаклҳои нави вирус дар ҷаҳон маълумот мегиранд.
Охири моҳи апрел дар Қирғизистон чор штамми COVID сабт шудааст.
Бояд гуфт, Қирғизистон аз ҷиҳати гирифторӣ ба бемории коронавирус миёни давлатҳои Осиёи Марказӣ пешсаф аст.
Аз авоили бурузи ин маризӣ дар Қирғизистон 105 840 нафар мубталои вирус шуда, 1830 бемор ба ҳалокат расиданд.
Дар Тоҷикистон аз мобайнҳои моҳи декабри соли ҷорӣ ягон мавриди сироятшавӣ ба коронавирус сабт нагардидааст.
Дар ҷумҳурӣ 13 308 нафар гирифтори ин дард шуданд, ки аз ин миён 13 218 нафар комилан шифо ёфтанд ва 90 бемор фавтиданд.