ДУШАНБЕ, 2 июн – Sputnik. Бино бар иттилои дафтари матбуоти Вазорати корҳои дохила, зимни мулоқот масоили ҳамкориҳои дуҷониба баррасӣ гардиданд.
"Дар ин вохӯрӣ вобаста ба тақвият бахшидани ҳамкориҳои муштарак пешниҳод гардид, ки Намояндагии полиси Эрон дар Тоҷикистон ва Намояндагии Вазорати корҳои дохилии Тоҷикистон дар Эрон боз карда шавад”, - иттилоъ додааст манбаъ.
Зикр шудааст, ки дар робита ба ин самтҳои фаъолияти ҳамкориҳои мақомоти корҳои дохилӣ, кофтуков ва дастгир намудани ҷинояткорон, ҳамкориҳо дар доираи Бюрои марказии миллии “Интерпол” ва ташхиси криминалистӣ мавриди баррасӣ қарор дода шуданд.
Министр внутренних дел РТ Рахимзода Рамазон посетил Выставку военной техники Исламской Республики Иран, а также вооружения и тяжелой военной техники
© МВД РТ
Ҳамзамон дар ҷараёни сафари корӣ Вазири корҳои дохилӣ генерал Раҳимзода Рамазон аз фаъолияти Нерӯҳои вижаи интизомии Эрон шиносоӣ пайдо карда, аз Намоишгоҳи техникаю таҷҳизоти ҳарбии ин ниҳод, аз қабили яроқу аслиҳа ва техникаҳои вазнини ҷангӣ дидан кард.
Министр внутренних дел РТ Рахимзода Рамазон посетил Выставку военной техники Исламской Республики Иран, а также вооружения и тяжелой военной техники
© МВД РТ
Манбаъ қайд кардааст, ки Нерӯҳои вижаи интизомии Эрон дар самти роҳандозии амалиётҳои махсус, пешгирии бетартибиҳои оммавӣ, безарар гардонидани гурӯҳҳои муташаккили ҷиноятӣ ва гардиши ғайриқонунии маводи мухаддир фаъолият мекунанд.