ДУШАНБЕ, 31 май— Sputnik. Дар паи садамаи нақлиётӣ дар шимоли Тоҷикистон як тан ҳалок ва ду нафари дигар ҷароҳатдор шуд, хабар медиҳад Вазортаи корҳои дохлии Тоҷикистон.
Тибқи иттилои ин ниҳод, ҳодисаи нохш рӯзи 29-уми май, тахминан соати 12:10 дар шоҳроҳи "Хуҷанд-Чанок-Душанбе" ба вуқӯъ пайваст.
Гуфта мешавад, ки ронандаи "Тайота-Каролла" О.Б, сокини 28-солаи деҳоти Гули Сурхи шаҳри Истаравшан дар ҳудуди мавзеи “Қумбед”-и ноҳияи Шаҳристон бехатарии ҳаракати роҳро таъмин карда натавонистааст.
Ӯ дар ҳамин миён ба автомашинаи тамғаи "Мерседес-Бенс" - и Ш.Ю. сокини 34-солаи шаҳри Бохтар, бархурдааст.
"Дар натиҷа, мусофири худрави "Тайота Каролла", Ҷ.С, сокини 50-солаи ҷамоати деҳоти Гули Сурх ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.
Ҳамчунин, ронандаи худрави “Тайота-Каролла”, ва мусофираш сокини 30-солаи шаҳри Истаравшан, ҷароҳатҳои гуногуни ҷисмонӣ бардошта, дар беморхонаи марказии ноҳия бистарӣ гардидаанд.
Манбаъ афзуда, ки аз рӯи ҳодисаи мазкур таҳқиқот идома дорад.