ДУШАНБЕ, 24 май - Sputnik. Дер ё зуд инсоният бо пандемияи нав рӯ ба рӯ хоҳад шуд, ки аз вируси мавҷуда хатарноктар хоҳад шуд, гуфт директори генералии Созмони ҷаҳонии беҳдошт Тедрос Адханом Гебресиесус.
"Вируси дигаре хоҳад буд, ки аз ин вирус сироятовар ва марговартар хоҳад буд", - гуфт ӯ дар ифтитоҳи 74-умин нишасти СҶБ.
Ба гуфтаи роҳбари созмон, маҳз мубориза бо вирусҳо нишон медиҳад, ки давлатҳо бояд бо ҳамдигар ҳамкорӣ кунанд, на рақобат .
"Дар асл, мо дар назди интихоб қарор дорем: якҷоя амал кардан ё ҳимоя накардан", - хулоса кард Гебрейесус.
Ассамблеяи ҷаҳонии беҳдошт аз 24 май то 1 июн дар фазои маҷозӣ идома мекунад.
Мавзӯи асосии он мубориза бо пандемияи COVID-19 ва пешгирии ҳолатҳои фавқулодаи ҷаҳонӣ дар соҳаи тандурустӣ мебошад.
Дар кори ассамблея ҳайатҳои тамоми ҷаҳон иштирок мекунанд.