ДУШАНБЕ, 24 май - Sputnik. Дар ҷараёни музокирот Путин гуфт, ки ҳама чизи имконпазирро ба харҷ хоҳад дод, то Қирғизистон ва Тоҷикистон танҳо бо роҳи музокирот тамоми масъалаҳои марзиро ҳал кунанд.
Роҳбари Русия ҳамчунин илова кард, ки вазъият дар марзи ин ду кишварро ҷиддан назорат мекунад.
"Мо мефаҳмем, ки ин бо зиндагии одамони мушаххас алоқаманд аст ва пеш аз ҳама, Қирғизистон ва Тоҷикистон дар бораи мардум фикр мекунанд. Аммо мо бояд роҳи ҳалли чунин мушкилотро пайдо кунем, то он дарозмуддат бошад ва ба манфиатҳои ҳарду кишвар ҷавобгӯ бошад", - таъкид намудааст президенти Русия.
Ҳамзамон, Содир Ҷабборов кишвардори Қирғизистон ба Владимир Путин бобати таваҷҷӯҳи ӯ ба вазъи марз миёни Қирғизистону Тоҷикистон изҳори миннатдорӣ кард.
Тавре қаблан дар хадамоти матбуоти Кремл хабар дода шуд, дар музокирот роҳбарони Русия ва Қирғизистон баррасии масъалаҳои рушди минбаъдаи муносибатҳои дуҷонибаи шарикии стратегӣ ва иттифоқ, инчунин ҳамкорӣ дар доираи иттиҳодияҳои интегратсионӣ дар фазои АвруОсиёро ба нақша гирифтаанд.