ДУШАНБЕ, 23 май - Sputnik. Дар пойтахти Туркманистон бахшида ба 140-солагии Ишқобод як озмуни байналмилалии эҷодӣ баргузор гардид.
Тибқи иттилои нашрияи ҳукуматии "Туркманистон. Асри тиллоӣ", дар ин ҷашнвора овозхонон аз Тошканд, Душанбе, Нур-Султон, Бишкек, Анқара, Албукерке ва Ереван дар формати видеоӣ ширкат варзиданд.
\Овозхонҳои маъруф бо либосҳои миллии кишварҳояшон суруди наверо бо забони туркманӣ бахшида ба пойтахти Туркманистон иҷро карданд.
Қайд карда мешавад, ки дар ин чорабинӣ дуэти Ӯзбекистон "Фарҳод ва Ширин", Ҳунарманди шоистаи Қирғизистон, ғолиби озмуни "Türkmeniň Altyn asyry" Нурайим Азикбоева, солисти Ташкилоти давлатии "Казахонконцерт" Дидор Абдухолиқ ширкат карданд.
Ин чорабинӣ рӯзи 21 май баргузор шуд. Ва шоми 22 май сарояндаи машҳур Вера Базарова дар толори киною консерти "Туркманистон" ҳунарнамоӣ кард ва сурудҳо ва романсҳоро ба забонҳои арманӣ, белорусӣ, украинӣ, қазоқӣ, ӯзбекӣ, молдавӣ, русӣ ва туркманӣ иҷро кард.