ДУШАНБЕ, 13 май - Sputnik. Иттиҳоди Аврупо чунин мешуморад, ки гӯё Русия талош дорад қисматҳои Украинаи Шарқиро "ба таври воқеӣ ҳамгиро" кунад, менависад Блумберг.
Ҳамин тавр, Иттиҳоди Аврупо гуфт, ки Русия аннексияи воқеии Донбассро омода мекунад. Ба гуфтаи муаллифон, Федератсияи Русия барои ин "интихоботи ғайриқонунӣ" ва додани шиносномаҳо ба сокинони маҳаллӣ истифода мекунад.
Ҳамзамон, тавре ки дар санади паҳншуда изҳор дошт, ИА нақша дорад, ки амнияти энергетикии Украинаро тақвият диҳад. Ва инчунин кишварро ба лоиҳаҳои гуногуни аврупоӣ ҷалб кунад.
Қарор аст, ин санад дар нишасти сарони Иттиҳодияи Аврупо рӯзҳои 24-25 май муаррифӣ шавад. Дар ҳамин ҳол, мақомоти Русия борҳо нақшаи ҳамроҳ кардани Донбассро рад карданд ва гуфтанд, ки онҳо ба созишномаҳои Минск содиқанд.
Ба гуфтаи котиби матбуотии президенти Русия Дмитрий Песков, тасмим дар бораи шаҳрвандии Русия ба сокинони ҶМД ва ҶМЛ дар асоси "мулоҳизаҳои сирф башардӯстона" гирифта шудааст.
Ёдовар мешавем, ки баҳори соли 2019 президенти Русия Владимир Путин фармонеро имзо кард, ки тибқи он сокинони манотиқи муайяни вилоятҳои Донетск ва Луганск метавонанд шаҳрвандии Русияро ба тариқи содда ба даст оранд.