ДУШАНБЕ, 9 май — Sputnik. Дар Вилояти Мухтори Кӯҳистони Бадахшон чанд нафар аз кормандони милиса барои хизмати софдилонаю содиқона бо медалҳои ҷашнӣ ва ҳамчунин мукофоти пулӣ қадрдонӣ шуданд.
Бар хабари котиботи ВУД Тоҷикистон, медалу мукофотҳои пулӣ ба милисаҳои ин вилоят аз номи генерал - полковник Раҳимзода Рамазон супорида шудааст.
Дар чорабинии ҷашнӣ қайд карда шуд, ки дар ин ҷанги мудҳиш зиёда аз 40 миллион одам ба ҳалокат расид, ки 27 миллионашон шаҳрвандони Иттифоқи Шӯравӣ будаанд.
Зимнан, таъкид гардид, ки танҳо аз ВМКБ дар Ҷанги Бузурги Ватанӣ 2,5 ҳазор ширкат доштанд, ки аз нисф бештари онҳо дар набардҳои ҷанг ҷони худро аз даст доданд.
Ёдовар мешавем, ки чанде пеш дар Русия гузашти низомӣ бахшида ба Рӯзи Ғалаба дар фашизм анҷом ёфт ва кишвардори Тоҷикистон ҳамчун меҳмони фахрӣ ба Маскав даъват шуда буд.
Эмомалӣ Раҳмон ҳамроҳ бо раисиҷумҳури Русия Владимир Путин озими Майдони Сурх шуд ва пас аз анҷоми гузашти низомӣ назди пояи оромгоҳи Сарбози Номаълум гулчанбар гузоштанд.