ДУШАНБЕ, 7 май – Sputnik. Аз қисми навбатдории КҲФ вилояти Суғд ба Sputnik Тоҷикистон гуфтанд, ки лойоба аз ҳудуди Аштсой берун шуда, баъзе аз хонаҳои сокинонро пур кардааст.
"Хушбахтона хисороти ҷонӣ нест. Ҳоло комиссия зарари расидаро муайян мекунанд" гуфт манбаъ аз КҲФ Суғд. Дар ҳамин ҳол Диловар Ҳамдамов, сардори КҲФ дар ноҳияи Ашт вазъи ба вуҷудомадаро ба Sputnik Тоҷикистон шарҳ дод.
Бино ба иттилоъи ӯ, сел аз ҳудуди сойе, ки дар ҳудуди ҷамоат бо номи Аштсой маърӯф аст, берун шудааст.
“Дида мешавад, ки пулҳо ва роҳҳои маҳаллии деҳоти Пунук, Ошоба ва Ғудосро хароб шудаанд”, гуфт Ҳамдамов.
Диловар Ҳамдавом гуфт, ҳоло ин ҳисоби пешакӣ буда, феълан комиссияи вижа паёмади селро таҳқиқи мекунанд.
Бино ба гуфтаи ӯ ҳоло мақомот ва масъулини ҳукумат ба ҳисоби Зариф Мирдадо, раиси ноҳия ба маҳалли вуқуъи офат ба деҳоти Ашт сафар кардаанд.