ДУШАНБЕ, 4 май — Sputnik. Тибқи иттилои дафтари матбуотии ин ниҳод, ҳодиса рӯзи 3-юми майи соли 2021, тахминан соати 13:00 дар ноҳияи Кӯшониён сар задааст.
Ба иттилои манбаъ, ронандаи автомашинаи тамғаи “Опел-Астра”, Раҷабзод Шоймардон Суҳроби 31-сола, сокини ҷамоати деҳоти Заргари ноҳияи Кӯшониён, ҳангоми ҳаракат аз самти деҳаи Комсомол ба самти деҳаи Заргари ҳамин ноҳия дар баромади деҳаи Комсомол, аз уҳдаи идора кардани воситаи нақлиёт набаромада, дучархарони ноболиғ, Асоев Аъзамҷон Дустмуродовичи 8 – сола пахш кардааст.
Гуфта мешавад, писарбачаи хурдсол сокини ноҳияи мазкурро, ки роҳро аз тарафи чап ба рост убур мекард, зери қисми тарафи чапи автомашина мондааст.
Дар натиҷа, ноболиғ Асоев А.Д. ҷароҳати вазнини ҷисмонӣ бардошта, ҳангоми ба беморхона бурдан, дар роҳ ба ҳалокат расидааст, афзудааст манбаъ.
ВУД мегӯяд, аз рӯи ин ҳодиса таҳқиқот идома дорад.