ДУШАНБЕ, 30 апр - Sputnik. Бо дастури Президенти Тоҷикистон, Эмомалӣ Раҳмон, мутахассисони тиб ба Исфара барои табобати ҷабрдида муноқиша дар марзи Тоҷикистону Қирғизистон фиристода шуданд.
Дар ин бора раиси вилояти Суғд, Раҷаббой Аҳмадзода, ки аллакай аз маҷрӯҳони деҳаҳои Хоҷа Аъло, Чоркӯҳ ва Исфара дидан карда буд, хабар дод.
Ба гуфтаи вай, раванди табобати шаҳрвандони осебдидаи Тоҷикистон таҳти назорати шадиди масъулин қарор дорад.
Зикр гардидааст, нафароне, ки дар пайи даргирии марзӣ ҷароҳатдор шуданд, пурра бо маводи доруворӣ ва инчунин хӯрок таъмин карда мешаванд.
Ёдовар мешавем, қаблан манобеъ аз Тоҷикистон хабар доданд, ки дар натиҷаи муноқиша дар марз бо Қирғизистон ҳашт нафар кушта шуда, 110 шаҳрванд маҷрӯҳ гардиданд. Вазорати танудурустии Қирғизистон аз кушта шудани 13 нафару ҷароҳати беш аз 134 нафар бар асари ин даргирӣ хабар дод.