ДУШАНБЕ, 29 апр - Sputnik. Сарвазири Тоҷикистон Қоҳир Расулзода аз ҳамтои руси худ Михаил Мишустин дар таъмини Тоҷикистон бо ваксинаҳои русӣ кумак хост.
Сарвазири Тоҷикистон дар мулоқот бо Михаил Мишустин дар Қазон таваҷҷӯҳро ба сиёсисозии мавзӯи хариди ваксинаҳо алайҳи коронавирус ҷалб кард.
"Мо аз муваффақиятҳои дӯстони руси худ дар самти истеҳсоли ваксинаҳо самимона хурсандем. Ҳар се ваксинаи Русия самаранокии баланди худро нишон доданд, аммо мо кӯшишҳои возеҳи сиёсӣ кардани мавзӯи ваксинаҳоро мушоҳида мекунем".
Ба гуфтаи ӯ, рақобати беадолатона нисбати ваксинаи Русия истифода мешавад.
Инчунин, Расулзода қайд кард, ки дар Тоҷикистон эмгузаронии оммавии аҳолӣ бо истифода аз ваксинаҳои бритониёӣ ва ҳиндуи AstraZeneca оғоз ёфт.
Расулзода тавзеҳ дод, ки Тоҷикистон ин ваксинаро "тавассути Созмони Ҷаҳонии Тандурустӣ" гирифтааст.
"Ҳамзамон, пинҳон намекунам, ки аҳолии Тоҷикистон ба ваксинаҳои Русия бештар эътимод доранд. Моҳи феврали соли равон ман бо як муроҷиати расмӣ ба шумо бо дархости баррасии имконияти ҷудо кардани як миқдори муайяни ваксинаҳои Русия ба Тоҷикистон фиристодам ", - ёдовар шуд Расулзода.
Ба гуфтаи сарвазири Тоҷикистон, мақомоти Тоҷикистон мехоҳанд дар 20-умин солгарди таъсиси СҲШ аксари аҳолиро эм кунанд.