ДУШАНБЕ, 26 апр — Sputnik. Ҳукумати Русия ният дорад бензинро ба рӯйхати молҳое, ки содироти он муваққатан маҳдуд карда мешавад, илова кунад, менависад Коммерсант.
Тавре расонаҳо мегӯянд, пас аз мулоқот бо муовини сарвазир Александр Новак, ки 21 апрел баргузор шуд, ба Вазорати энергетика супориш дода шуд, ки лоиҳаи санадҳоеро омода кунад, ки маҳдудияти муваққатии содироти "баъзе намудҳои маҳсулоти нафтиро" дарбар мегирад.
Ба навиштаи рӯзнома, аз протокол бармеояд, ки ҳукумат бензинро ба рӯйхати молҳои муҳим барои бозори дохилӣ ворид мекунад, ки "дар ҳолатҳои истисноӣ, маҳдудиятҳои муваққатӣ ё манъи содирот муқаррар карда мешавад".
Новак дар моҳи ҷорӣ гуфт, ки Девони вазирон чораҳои маҳдуд кардани содироти бензинро баррасӣ мекунад.
Ба гуфти ӯ, ин иқдом барои ба эътидол овардани вазъи бозори дохилӣ дар давраи авҷи талабот мусоидат хоҳад кард, аммо ҳоло ба ин ниёзе нест.
Ин пешниҳодро қаблан Вазорати энергетика дастгирӣ карда буд.