ДУШАНБЕ, 24 апр - Sputnik. Таҳмина, зодаи Тоҷикистон аст, ки ҳоло дар Ҳиндустон таҳсил мекунад ва дар шаҳри Тривандруми аёлати Керала дар соҳили ғарбии Ҳиндустон зиндагӣ мекунад.
Чунин шуд, ки ӯ дар Ҳиндустон дар байни пандемияи марговар қарор гирифт.
"Дар шаҳри мо аз 22 апрел, вақте ки дар кишвар афзоиши рекордии ҳаррӯзаи сирояти коронавирус ба қайд гирифта шуд то 3 май бо назардошти он маҳдудиятҳои шадид ҷорӣ карда шуданд. Аз соати 21:00 то 5:00 соати комендантӣ эълон шуд, дар ин муддат ҳеҷ кас набояд дар кӯча бошад", - гуфт зодаи Тоҷикистон дар муколама бо "Московский Комсомолетс".
Вай афзуд, паҳншавии коронавирус дар иёлоте, ки зиндагӣ мекунад, нисбат ба дигар минтақаҳо идорашавандатар аст, аммо дар уму вазъ ваҳим аст.
Умуман, аҳолӣ хавфҳоро мефаҳмад: ҳама ниқоб мепӯшанд ва бидуни зарурати фаврӣ аз хона намебароянд.
"Ҳисоботҳо гӯё мисле ки аз ҷанг меоянд. Меъёри сироят: тақрибан миллион нафар дар чор рӯз. Аксари беморхонаҳо пур ҳастанд, дору ва оксиген намерасанд. Ҳама мунтазиранд, ки интиқоли оксиген аз Русия тавассути баҳр оғоз шавад. Дар расонаҳо эълон шуд, ки музокирот бо Маскав идома дорад", - нақл кард зодаи Тоҷикистон.
Кишвар ба дору шадидан ниёз дорад ва шоҳидони айнӣ мегӯянд, ки баъзан мурдагонро танҳо ҳангоми сӯзондан ба ҳисоб намегиранд.
"Зани ҳамсояи мо аз коронавирус даргузашт. Оташи маросими дафнаш дар боғ фурӯзон карда шуд", - гуфт Таҳмина.
Тибқи маълумоти охирини Вазорати тандурустӣ, давоми як рӯзи охир дар Ҳиндустон 346 786 ҳолати сироят ба COVID-19 ошкор карда шуд ва шумораи фавтидагон аз 2,6 ҳазор гузашт, ки ин нишондиҳандаи ниҳоӣ барои тамоми давраи пандемия мебошад.
Ҳоло Ҳиндустон аз рӯи шумораи сироятёфта пас аз ИМА дар ҷои дуюм қарор дорад - 16,6 миллион, тақрибан 190 ҳазор беморон фавтиданд.