ДУШАНБЕ, 21 апрел - Sputnik. Бино бар иттилои дафтари матбуоти мақомоти вилояти Суғд танҳо дар се моҳи соли равон ба иқтисоди вилоят 50,3 миллион доллар сармояи хориҷӣ ворид шудааст.
Тибқи иттилои манбаъ дар семоҳаи аввали соли 2021 барои фароҳам овардани муҳити мусоиди инвеститсионӣ дар доираи ҷалби сармояи дохилию хориҷӣ корҳои муайян ба сомон расонида шуд.
Гиттилоъ дода шудааст, ки дар моҳҳои январ-марти соли 2021 ба иқтисодиёти вилоят ба маблағи 65,7 миллион доллар сармоягузории ватанию хориҷӣ ҷалб гардида, суръати афзоиш нисбат ба ҳамин давраи соли 2020-ум 108,0 фисад таъмин гардидааст.
“Аз ҷумла, ба маблағи 50,3 миллион доллар сармояи хориҷӣ ва ба маблағи 15,4 миллион доллар сармояи ватанӣ ба соҳаҳои гуногуни иқтисодиёти вилоят равона шудааст”, - таъкид доштааст манбаъ.
Ҳамзамон мақомоти вилоят зикр кардааст, ки давоми се моҳи соли ҷорӣ ҳаҷми истеҳсоли маҳсулоти саноатӣ дар вилоят ба маблағи 4 миллиарду 368,9 миллион сомонӣ расонида шуда, нисбат ба ҳамин давраи соли гузашта суръати афзоиш бо назардошти индекси нархҳо 127,8 фоиз таъмин гардид.