ДУШАНБЕ, 16 апр – Sputnik. Мунтахаби футболи Тоҷикистон моҳи май бо тимҳои Ироқ ва Тайланд ду бозии дӯстона баргузор мекунад.
Тибқи иттилои дафтари матбуотии Федератсияи футболи Тоҷикистон, бозӣ байни тимҳои миллии Ироқ ва Тоҷикистон рӯзи 24 май дар Варзишгоҳи байналмилалии Басраи Ироқ баргузор мешавад.
Ба иттилои манбаъ, дастпарварони Усмон Тошев рӯзи 29 май дар Дубай бо Тайланд бозии дӯстона анҷом медиҳад.
Ёдовар мешавем, ки мунтахаби кишвар дар даври дуюми мусобиқаи интихобии Ҷоми Ҷаҳонии 2022 мунтахаби Тоҷикистон ду бозии дигар анҷом медиҳад.
Яккачини кишвар нахуст бо Ҷопон санаи 7 июн ва бо Мянма 15 июн вомехӯрад.
Мусобиқаи мутамаркази гурӯҳи "F" дар Ҷопон баргузор мешавад.