ДУШАНБЕ, 14 апр - Sputnik. Бар асоси қарори Рустами Эмомалӣ, барои барандагони стипендияи раиси Душанбе 484 ҳазору 800 сомонӣ ҷудо карда шуд.
Қаблан иттилоъ дода шуд, ки соли равон барои гирифтани ин стипендия ҳудуди 3,5 ҳазор хонандагону донишҷӯёни муассисаҳои таҳсилоти миёнаи умумӣ, ибтидоӣ ва миёнаи касбии шаҳри Душанбе ҳуҷҷат супорида, барандаҳо тариқи озмун муайян гардиданд.
Стипендияи раиси Душанбе соли 2017 бо мақсади дастгирӣ ва ҳавасманд намудани хонандагони фаъолу аълохон ва соҳибистеъдоди шаҳри Душанбе таъсис дода шуда, ҳамасола тақдим мегардад.
"Стипендияи Раиси шаҳри Душанбе барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбии шаҳри Душанбе барои 200 нафар ба маблағи 250 сомонӣ дар як моҳ ва барои нӯҳ моҳи соли хониш таъсис дода шавад", - омадаст дар қарор.
Масъулини шаҳрдорӣ муваззаф шудаанд, ки дар фазои тантанавӣ ба ғолибон шаҳодатнома ва маблағҳои стипендия супорида шавад.