ДУШАНБЕ, 7 апр - Sputnik. Ба гузориши радиои тоҷикии Садои Хуросон ба нақл аз хабаргузории садо ва симо, марҳалаи нахусти хатти тавлиди ваксинаи эронӣ бар зидди вируси корона бо номи "Ков Эрон Баракат" бо зарфияти тавлиди моҳонаи 3 миллион доза дар мароҳили ниҳоист.
Доктор Муҳаммади Мухбир раиси ситоди иҷроии фармони Ҳазрат Имом Хумайнӣ пеш аз ин низ гуфта буд, ки имконоти тавлиди анбуҳи ваксинаи " Ков Эрон Баракат " фароҳам шудааст.
Ба гуфтаи вай марҳалаи дувуми тавлиди ваксина бо зарфияти байни 12 то 15 миллион доза дар моҳ аст, ки то ду моҳи оянда ба итмом хоҳад расид.
Доктор Муҳаммади Мухбир изофа кард, ки мароҳили дувуму сеюми озмоиши инсонии ваксинаи Ков Эрон Баракат бомуваффақият идома дорад.
Зарфияти тавлиди ин ваксинаи эронӣ байни 15 то 20 миллион доза хоҳад буд.