ДУШАНБЕ, 6 апр — Sputnik. Мақомоти Тоҷикистон тасмим доранд дар давоми се соли наздик ба иқтисоди кишвар беш аз 2,7 миллиард доллар сармоягузориҳои хориҷӣ ҷалб намоянд.
Тибқи дурнамои нишондиҳандаҳои аслии макроиқтисодии Тоҷикистон, дар соли 2021-2023, афзоиши ҷалби сармоягузориҳои хориҷӣ ҳар сол ба ҳисоби миёна 200 миллион долларро ташкил хоҳад дод.
Ҳамин тавр дар соли 2021 ҷалби сармоягузориҳои хориҷӣ ба иқтисоди кишвар дар ҳаҷми 774 миллион доллар пешбинӣ мешавад.
Дар соли 2022 ин нишондиҳанда 924 миллион доллар ва дар соли 2023 ҳудуди 1,69 миллиард долларро ташкил медиҳад.
Ёдрас мешавем, ки Кумитаи давлатии сармоягузорӣ ва амволи давлатии Тоҷикистон хабар дода буд, ки соли гузашта ҳаҷми сармоягузориҳои хориҷӣ ду баробар коҳиш ёфта, 428 миллион долларо ташкил додааст.
Дар ҳамин ҳол, Чин ба иқтисоди Тоҷикистон беш аз 150 миллион доллар сармоягузорӣ кардааст.
Тибқи иттилои Кумитаи сармоягузорӣ дар ҳоли ҳозир дар ҷумҳури 70 лоиҳаи давлатии сармоягузорӣ дар ҳаҷми беш аз 3,5 миллиард доллар амалӣ мешавад.
Дар сохтори ин лоиҳаҳо наздик ба 50 дарсадаш қарз, беш аз 45 дарсадаш грант ва қисми боқимонда ҳисаи ҳукумати Тоҷикистон мебошад.