ДУШАНБЕ, 29 март - Sputnik. Сабаби рушди саратон метавонад папилломавируси одам бошад. Дар ин бора табиб ва ровии телевизион Александр Мясников дар эфири шабакаи телевизионии Россия 1 хабар дод.
Вай гуфт, ки чунин бемории онкологӣ, ба мисли саратони гарданаки бачадон, бемории сироятӣ аст. Тақрибан 50 навъи ин вирус метавонад ба луобпардаҳо таъсир расонад.
"Солҳои пеш олимони ҷопонӣ кашф карданд, ки маъмултарин саратони гинекологӣ, саратони гарданаки бачадон аст, ки миллионҳо нафар одамонро дар сайёра куштааст. Ин бемории сироятӣ аст", таъкид кард Мясников.
Ба гуфти табиб, баъзе вирусҳо қобилияти тағйир додани луобпардаҳоро доранд, то дар онҳо ҳуҷайраҳои саратон инкишоф ёбанд. Ин ҳодиса бо сабаби тағирёбии барангезандаи сирояти ДНК-и ҳуҷайра ба амал меояд. Аз ин сабаб, мутатсияҳо пайдо мешаванд, ки ба таназзули ҳуҷайра ба як саратон оварда мерасонанд.
Мясников қайд кард, ки папилломавируси инсон метавонад на танҳо саратони гарданаки бачадон, балки саратони гулӯ, сар, гардан ва дигар узвҳоро низ ба вуҷуд орад.
Ба гуфти мутахассис, эмкунӣ ва муоинаи мунтазами тиббӣ ба ҳимоя аз мушкилоти ҷиддии саломатӣ мусоидат хоҳад кард.
Вай қайд кард, ки ваксинаи муосир барои мубориза бо қариб ҳама намудҳои бемориҳои сироятии онкогенӣ равона шудааст.