ДУШАНБЕ, 26 мар— Sputnik. Вазорати умури дохилаи Тоҷикистон аз ҳодисаи даҳшатбори одамкушӣ дар шаҳри Конибодом хабар медиҳад. Ба иттилои манбаъ, ҷинояти даҳшатбор шаби 24 март, тақрибан соати 23:30 дақиқа рух додааст.
Ба гумони содир намудани ин ҷиноят ҷавони 24 - сола, сокини шаҳри мазкур боздошт гардидааст.
Гуфта мешавад, боздоштшуда дар хонаи истиқоматии худ бо марди 36 -сола, сокини шаҳри Исфара май нӯшида, пас аз сархуш шудан миёни онҳо муноқиша сар зад.
Дар натиҷа, сокини шаҳри Конибодом меҳмони худро бо истифода аз табар 8 - маротиба ба сараш зарба зада, сари ӯро аз тан ҷудо кард.
ВУД Тоҷикистон мегӯяд, нисбати боздоштшуда, тибқи моддаи 104 қисми 2 Кодекси ҷиноятии Тоҷикистон парвандаи ҷиноӣ оғоз гардида, тафтишот идома дорад.
Қаблан кормандони пулис аз боздошт шудани сокини 27 - солаи шаҳри Ваҳдат хабар доданд, ки бо табар хола ва язнаи худро маҷрӯҳ кард.
Пайвандони ӯ пас аз гирифтани ҷароҳати вазнин бистарии беморхона гардиданд.