ДУШАНБЕ, 25 март - Sputnik. Бино бар иттилои дафтари матбуоти Вазорати умури дохилаи Тоҷикистон ҳодисаи нохуш санаи 24-уми марти соли равон ҳудуди дар ҳудуди деҳаи Файзободи ҷамоати деҳоти Заргари ноҳияи Кӯшониён сурат гирифтааст.
Тибқи иттилои манбаъ, ронандаи автомашинаи тамғаи “Опел-Астра”, Розиқов Латиф, соли таваллудаш 1961, сокини ҷамоати деҳоти Заргари ноҳияи Кӯшониён ҳангоми ҳаракат дар ҳудуди деҳаи Файзободи ҷамоати деҳоти мазкур аз уҳдаи идораи воситаи нақлиёт набаромада, бо чархи тарафи чапи ақиби автомашинааш пиёдагарди хурдсол, (наберааш) Латифзода Меҳрона Музаффар, соли таваллудаш 2019, сокини ҳамон ҷоро пахш намудааст.
Манбаъ қайд кардааст, ки дар натиҷа, хурдсол Латифзода Меҳрона ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Дар ҳоли ҳозир кормандони милитсияи Тоҷикистон аз рӯи ҳодисаи мазкур таҳқиқот идома доранд.