ДУШАНБЕ, 25 март - Sputnik. Вазири илм ва маълумоти олии Федератсияи Русия Валерий Фалков ба кормандони Маркази Чумаков, ки дар таҳия ва истеҳсоли ваксинаи сеюми русӣ алайҳи коронавирус иштирок кардаанд, мукофотҳо супорид.
"Имрӯз ман аз он хушҳолам, ки ба қисми зиёди кормандони Маркази Чумаков мукофотҳо тақдим мекунам ва онҳоро бо натиҷаҳои аъло табрик мегӯям. Ва ман мехоҳам ба ҳамаи шумо ташаккури зиёд баён кунам. Сипос барои меҳнати садоқатмандонаатон, барои кори ҳамоҳангшудаатон", - Гуфт Фалков.
Ӯ гуфт бархе аз кормандони Маркази Чумаков ба ҷоизаҳои давлатӣ низ пешбарӣ мешаванд.
Ёдрас мешавем, ки ваксинаи сеюми сохти Русия алайҳи коронавирус "КовиВак" рӯзҳои наздик дар минтақаҳои гуногуни Русия ба мардум дастрас мегардад.
"КовиВак" ваксинаест, ки дар асоси вируси SARS-CoV-2 асос ёфтааст.
Пештар хабар дода шуд, ки "КовиВак" дар асоси штамми яке аз беморони беморхонаи Маскави Коммунарка таҳия шудааст.
Сабти номи "КовиВак" моҳи феврал сурат гирифт ва қарор аст, то охири сол на камтар аз даҳ миллион воя истеҳсол шавад.