ДУШАНБЕ, 24 мар — Sputnik. Дар қаламрави Тоҷикистон барои эмгузаронии аҳолӣ аз коронавирус се ҳазор нуқта ташкил карда шудааст, гуфт вазири тандурустӣ ва ҳифзи иҷтимоии ҷумҳурӣ Ҷамолиддин Абдуллозода.
"Ҳангоми пандемия, бо дастрасии маҳдуди ваксина, бояд одамонеро ҷудо кард, ки воқеан ба ваксина ниёз доранд", - гуфт Тимаков дар мусоҳиба бо Sputnik Тоҷикистон.
Пизишк хотиррасон кард, ки барои назорати эпидемия, аз 50 то 70% аҳолӣ бояд эм карда шаванд.
"Эмгузароннӣ бояд танҳо дар шаҳрҳое, ки шумораи зиёди аҳолӣ ба сар мебарад, барои онҳое, ки мустақиман бо сирояти коронавирус дар тамос ҳастанд ва барои гурӯҳҳои хавф, инчунин барои кормандони соҳаи тандурустӣ, кормандони соҳаи иҷтимоӣ ва шахсони гирифтори бемориҳои музмин, гузаронида шавад", - шарҳ дод ӯ.
Инчунин вазъиятро дар ҳар як минтақае, ки ваксина гузаронида мешавад, бояд назорат кард, зеро, шояд, иммунитети табиӣ ба коронавирус аллакай дар он ҷо ташаккул ёфтааст, ва эмкунӣ на барои 60% аҳолӣ, балки барои 20% эм кунем, кофӣ хоҳад буд, - шарҳ дод эпидемиолог.
"Бояд ба вазъи эпидемиологии ҳар як минтақа назар андохт ва дар шароити ваксинаҳои маҳдуд ваксина бояд дар ҷойҳои афзояндаи сироят гузаронида шавад", - гуфт коршинос.
Ба ақидаи ӯ, пеш аз ҳама, бояд тасмим гирифт, ки ваксина барои кадом гурӯҳи одамон зарур аст ва дар кадом соҳаҳо, инчунин анамнезро аз беморон бодиққат ҷамъ овардан лозим аст, то ки хавфи таъсири манфӣ вуҷуд надошта бошад.
"Агар мо доруи AstraZeneca-ро бо дигар ваксинаҳо муқоиса кунем, пас самаранокии ин дору нисбат ба дигар ваксинаҳо камтар аст. Самаранокии миёнаи дору тақрибан 70% -ро ташкил медиҳад", - афзуд Тимаков.
Ба гуфти сироятшинос, ин ваксина барои эмгузаронӣ беҳтарин дору нест, аммо самаранокии он беш аз 50% аст, аз ин рӯ метавон онро истифода кард.