ДУШАНБЕ, 23 март - Sputnik. Варзишкори маъруфи шӯравӣ ва тоҷик, қаҳрамони ҷаҳон оид ба камонварӣ Зебинисо Рустамова дар бораи муваққатан маҳрум кардани гурзандози тоҷик Дилшод Назаров аз ҳаққи иштирок дар мусобоиқаҳо, изҳори назар кард.
Ӯ гуфт, вақте ки дар бораи аз ҳаққи сабқат маҳрум шудани Назаров шунид, хеле нороҳат шуд.
"Онҳо муддати дароз хомӯш буданд ва вақте фаҳмиданд, ки Бозиҳои олимпӣ баргузор мешаванд, пас онҳо аз ҳаққи маҳрум сохтан эълом карданд. Вай як варзишгари хеле қавӣ аст ва ба онҳо халал расонд", - гуфт варзишгари тоҷик ба НИАТ "Ховар ".
Ҳамзамон, Рустамова қайд мекунад, ки ин ҳолат гӯиё даҳ сол қабл буд ва эҳтимол аст, ки сохтаи худи онҳо бошад.
"Ба ёд орем, ки онҳо бо варзишгарони Русия чӣ кор карданд. Бо ин роҳ варзишкорони қавӣ хориҷ карда мешаванд", - таъкид кард роҳбари Ассотсиатсияи олимпиадачиён.
Вай қайд кард, ки Назаров варзишгари боодоб, бовиҷдон ва меҳнатдӯст, мутахассиси соҳаи худ мебошад.
Ба гуфтаи вай, тамоми Тоҷикистон Назаровро эҳтиром мекунад, бо ӯ ифтихор дорад ва аз ин рӯ, ӯ ҳамеша барои кишвараш қаҳрамон хоҳад буд ва пирӯзиҳои зиёде дар пешанд.
"Дилшод қавитарин дар сайёра аст, ӯ тиллои мост!", - хулоса кард мусоҳиб.
Ёдовар мешавем, ки қаблан гурзандоз Дилшод Назаров барои допинг ба муддати ду сол аз ҳаққи ширкат дар мусобиқот маҳрум карда шуд.
Гуфта мешавшад дар намунаҳои ӯ моддаи манъшудаи дегидрохлорметилтестостерон (DHCMT) ёфт шудааст.
Дилшод Назаров дар допинг гунаҳкор дониста шуда, барои 2 сол аз ҳаққи фаъолият маҳрум карда шуд.
Мӯҳлати маҳрумият аз 24 сентябри 2019 муқаррар карда шудааст. Ҳамин тариқ, Назаров метавонад танҳо дар моҳи октябри соли 2021, ки Бозиҳои олимпии Токиоро аз даст медиҳад, дубора ба ширкат дар мусобиқаҳо баргардад.