Сокинони Кассели Олмон барои изҳори норизогии худ аз ҷорӣ шудани маҳдудиятҳои нав даст ба эътироз шуданд. Ҳазорҳо нафар бо шиору овезаҳо бо кӯчаву роҳҳои асосии мошингузар баромаданд.
Ҳукумати ин кишвар ба хотири афзоиш ёфтани теъдоди маризони коронавирус боз маҳдудиятҳои навбатӣ ҷорӣ карданд. Аммо мардум пас аз қарантини тӯлонӣ ба дод омаданд ва дигар тоқати маҳдудиятҳои навро надоранд.
Эътирозгарон махсус дар маркази Кассели бидуни пӯшидани ниқоб гирд омаданд. Пулис барои пароканда намудани мардум аз калтаку дорупошакҳои қаламфурӣ истифода намуданд.
Гуфта мешавад, дар маркази Касселе миёни кормандони ҳифзи ҳуқуқ ва иддае аз эътирозгарон задухӯрд рух дод.
Чунин эътирозҳо ба ҷузъ аз Олмон, ҳамчунин дар Лаҳистон, Нидерландия ва Финландия низ сар задаанд. Дар Амстердам пулис барои пароканда намудани эътирозгарон аз мошинҳои обпошӣ истифода намуданд.