ДУШАНБЕ, 18 мар – Sputnik. Самариддин Ализода муовини вазири тандурустии Тоҷикистон имрӯз дар нишасти хабарӣ ба рӯзноманигорон дар бораи эмгузаронӣ бо ваксинаи ангилсӣ-шведии AstraZeneca гуфт.
Ӯ гуфт, то имрӯз дар асоси механизми COVAX, ки Тоҷикистон аъзои он аст, ба ҷумҳурӣ 192 ҳазор воя ворид гарташааст.
Ӯ афзуд, ки ин ваксина рӯзи 15 феврали соли 2021 аз тарафи Созмони Ҷаҳонии Беҳдошт тасдиқ карда шудааст.
Ба иттилои Ализода, дар Тоҷикистон бораи баргузории эмгузаронӣ барномаи миллӣ қабул карда шудааст ва тамоми чорабиниҳо дар асоси ин барномаи миллӣ гузаронида мешавад.
Муовини вазири тандурустии Тоҷикистон гуфт, санаи дақиқи оғози эмгузаронӣ дар Тоҷикистон бо ваксинаи AstraZeneca то ҳол номаълум аст.
Ӯ гуфт, дар умум ба Тоҷикистон 624 ҳазор вояи ваксинаи AstraZeneca ворид крада мешавад ва бо он 20 фози аҳолӣ эм хоҳанд шуд.