ДУШАНБЕ, 18 мар – Sputnik. Нурмат Отабеков, муовини сардори хадамоти санитарию эпидемиологӣ ва тандурустии ҷамъиятии Ӯзбекистон аз афзоиши гирифторӣ ба коронавирус миёни кӯдакон гуфт.
Дар ин бора Sputnik Ӯзбекистон бо такя ба муовини сардори хадамоти санитарию эпидемиологӣ ва тандурустии ҷамъиятии Ӯзбекистон хабар медиҳад.
"Овозаҳо мавҷуданд, ки афзоиши шумораи беморон дидаву дониста барои ҳавасмандкунии эмгузаронӣ зиёд нишон дода шудааст. Ин мантиқ надорад, зеро беморӣ асосан дар байни кӯдакон афзоиш меёбад. Мо одамони синнашон аз 18-сола болоро эм хоҳем кард", - гуфт ӯ.
Ёдовар мешавем, ки муовини вазири тандурустии Ӯзбекистон Баходир Юсупалиев вазъи истифодаи ваксинаҳои AstraZeneca дар ҷумҳуриро шарҳ дод.
Ба гуфтаи вай, бояд натиҷаҳои тафтишотро интизор шуд ва хулосаҳои бармаҳал набаровард ва маъракаи эмгузаронӣ пас аз Наврӯз дар Ӯзбекистон оғоз хоҳад шуд.