ДУШАНБЕ, 14 мар — Sputnik. Дар шаҳри Маскав Ҷоми ҷаҳон оид ба самбо баргузор мешавад, менависад Федератсияи самбои Тоҷикистон.
Ба иттилои манбаъ, ин мусобиқа рӯзҳои 25 - 26 марти соли ҷорӣ доир мешавад ва дар он дастаи мунтахаби Тоҷикистон ширкат меварзад.
Гуфта мешавад, Ҷоми ҷаҳон оид ба самбо ба хотири асосгузори самбо дар ҷаҳон Анатолий Харлампиев гузаронида мешавад ва он ҳамчун қаҳрамонии ҷаҳонии ғайрирасмӣ дониста мешавад.
Манбаъ меафзояд, Тоҷикистонро дар ин мусобиқа 11 варзишгар намояндагӣ мекунанд. Аз ҷумла варзишгароне чун Хушқадам Хусравов, Акмалиддин Каримов, Зафар Олимшоев, Деваштич Убайдӣ, Сорбон Латифов, Сомон Сангов, Садр Боев, Рамазон Ҷумъев, Аҳтам Ҳусейнов, Меҳрубони Абдулҳақ ва Алхатаби Фирдавс юарои иштирок дар мусобиқа ба шаҳри Маскав сафарбар мешаванд.
Ёдовар мешавем, ки соли гузашта бинобар авҷи маризии коронавирус, Ҷоми ҷаҳон оид ба самбо охири сол баргузор гардид. Он замон варзишгарони тоҷик ба гирифтани 5 медали биринҷӣ муваффақ шуданд.