ДУШАНБЕ, 14 мар — Sputnik. Намоҳанги овозхони зодаи Тоҷикистон Манижа Сангин аллакай се миллион тамошобин пайдо кардааст. Суруди Манижа давоми чор рӯз дар шабакаи Youtube аз ҷониби се миллион нафар тамошо шудааст.
Илова бар, намоҳанги Манижаро ҳазорон нафар писанда, ҳамчунин зери он корбар шарҳ гузоштаанд. Вале сафи нафароне, ки ин намоҳангро қабул надошта, ҳамзамон муқобили иштироки Манижа дар Евровидение - 2021 аз номи Русия низ кам нестанд.
Ҳоло Манижа танҳо як гурӯҳи попи Сербия Hurricane, ки иборат аз се духтар мебошад, ақиб мондааст. Намоҳанги ин гурӯҳ аллакай 3,6 миллион бинанда пайдо намудааст.
Рақами Манижа рӯзи 10 март соати 12:00 дар канали озмуни сурудҳо нашр шуд. Ба ҷои видеои анъанавӣ, ба мухлисони озмун ҳунарнамоии Манижа дар доираи интихоби миллӣ низ тақдим карда шуд.
Дар оғози видео Манижа дар тан ҷомаи гӯсфанд дорад ва сарашро бо рӯймоли кабуд бастааст. Каме баъдтар, сароянда ҷомаашро кашида, дар либоси сурх монд, ки дар қафои он навиштаҷоти Russian Woman - номи суруди ӯ навишта шудааст.
Ҳунарнамоии ӯ ҳайратангез ва ғайриоддӣ гашт, тамошобинонро ба тарафдорону зид ва онҳое, ки аз ин суруд дар шок афтоданд, тақсим кард.
Ёдовар мешавем, ки овозхонҳои тоҷик ба пирӯзии Манижа Сангин хушбин ҳастанд ва ҳунари ӯро басо воло ва ҷаззоб арзёбӣ мекунанд.