ДУШАНБЕ, 14 мар — Sputnik. Мусиқачӣ, ҳунарманд, солист ва раҳбари гурӯҳи "Несчатный случаи" (Ҳодисаи нохуш) Алексей Кортнев дар мусоҳиба бо шабакаи НСН, ҳунарнамоии Манижа Сангинро арзёбӣ кард.
Сарояндаи русиягӣ аз он щайрон буд, ки раҳбари кумитаи фарҳанги Думаи Давлатии Русия Елена Ямполская, ки худ намояндаи барыастаи консерватизм ҳаст ва бо ҳама гуна навгониҳои муосир мубориза мебарад, суруди Russian woman - ро беҳад консервативӣ хонд.
Кортнев ба таври тамасхуромез гуфт, ки чӣ гуна мешавад ҳунарнамоии Манижаро замонавӣ кард.
"Масалан, Манижа метавонад ришу мӯйлаб часпонад, костюмашро рӯшантар бо буриш аз қафо оро диҳад", - шӯхӣ кард раҳбари гурӯҳ.
Ёдовар мешавем, ки нахустнамоиши суруди Манижа Сангин "Зани рус" рӯзи 8 март дар эфири Шабакаи аввал баргузор шуд.
Ва рӯзи дигар, он мавзӯи баҳсҳо ва ихтилофҳо шуд: бисёре аз шабакаҳои интернетӣ ва шахсиятҳои маъруф, сароянда, симо ва худи сурудро танқид карданд.
Манижа бо болопӯш ва рӯймоле, ки дар сараш баста буд, ба саҳна баромад.
Тарона дар худ щам калимащои русь ва щам суханон ба забони англисиро дорад.
Матни таронаро Манижа соли 2020, зимни сафари ҳунарӣ ба Тел-Авив эҷод кардааст.