ДУШАНБЕ, 10 мар – Sputnik. Тибқи иттилои ин ниҳод, Русия аввалин муоҳадаи истеҳсоли ваксинаи "Спутник V" дар қаламрави Иттиҳодияи Урупоро имзо кард.
Қарор аст аз моҳи июли соли ҷорӣ ширкати дорусозии итолёвиву швейтсарии Adienne, ки дар Ломбарди-дар шимоли Италия фаъолият мекунад, ба истеҳсоли ин ваксин оғоз кунад.
Ин ҳам дар ҳолест, ки Агентии урупоии доруворӣ ҳоло истифодаи ваксинарусии "Спутника V"-ро дар қаламрави давлатҳои узви Аврупо иҷозат надодааст. Вале баъзе аз ин кишварҳо аллакай аз доруи русӣ истифода мекунанд.
Маҳмудидиятҳои нав дар Бразилия
Аз 8-уми марти соли равон дар пойтахти Бразилия ба сабаби авҷи нави сирояти коронавирус маҳдудиятҳои нав ҷорӣ шуданд.
Мардум аз соати 22:00 то 05:00 субҳ ҳақи гаштугузор дар кӯчаҳоро надоранд. Тибқи қарор ин низом то 22 март идома хоҳад кард.
Ширкати сармоягузории испонии IberAtlantic дар мавриди имкониятҳои истеҳсоли воксани "Спутник V" дар қаламрави худ саргарми гуфтушунид шудааст.
Аз 5 – уми март шумори фавтидагон аз коронавирус дар Шветсия 39 нафар афзудааст.
Шумори мубталоён ба коронавирус дар қораи Африқо ба 3,967 миллион нафар расидааст.
"Спутник V" ва AstraZeneca
Тунис аввалин бастаҳои воксани русии "Спутник V"-ро дарёфт кард.
Муддати як сол Эрон аз Кореяи Ҷанубӣ 3,12 миллион воя ваксинаи тавлиди ширкати британиёиву шведии AstraZeneca –ро ворид хоҳад кард.
Чин аввалин кишвари олам аст, ки барномаи шиносномаҳо барои ваксиншудагонро қабул ва роҳандозӣ мекунад. Гуфтугӯҳо дар мавриди ин гуна шиносномаҳо дар кишварҳои дигари олам низ дар ҷараёнанд.
Дар остонаи Бозиҳои тобистонаи олимпӣ мақомоти Ҷопон имкони ҷорӣ кардани маҳдудияти шумораи одамоне, ки ба кишвар ворид мешаванд, баррасӣ мекунанд. Ин маҳдудиятҳо метавонанд рӯзи 21 март, вақте ки вазъияти фавқулодда дар минтақаи пойтахт лағв мешавад, эътибор пайдо кунад.
Шумори умумии сироятшудагон ба вируси корона дар Қувваҳои мусаллаҳои Кореяи Ҷанубӣ ба 603 нафар расидааст.
Ҳукумати Эстония дар ҷаласаи ғайринавбативу изтирории худ, ки рӯзи сешанбе баргузор шуд, аз 11 март то 11 апрели соли равон дар саросари кишвар маҳдудяитҳои нави зидди коронаӣ ҷорӣ намуд.
Дар шабонарӯзи гузашта дар Русия боз 9445 сироятшудаи нав ба КОВИД-19 ошкор шуд.
Қирғизистон ҳам аз коҳиши сатҳи мубталоён ба коронавирус хабар дод.
Тибқи иттилои Вазорати тандурустии Тоҷикистон шабонарӯзи охир дар кишвар ягон нафар ба вируси корона гирифтор нашудааст.