Мобайнҳои моҳи феврал сокинони Олмон лижаронӣ мекарданду аз барфи зиёд ҳаловат мебурданд. Ҳатто ин моҳ дар чанд соли ахир сардтарин моҳ арзёбӣ мешуд. Вале бо гузашти ҳамагӣ чанд рӯз барфҳо пурра об шуданд ва гӯё фасли баҳор дар охирин моҳи зимистон фаро расид.
Дар аксар минтақаҳо гармии ҳаво якбора то 15 дараҷа гарм шуд.
Дар Олмон ҳарчанд баҳор аз 20 - ми март оғоз меёбад, аммо имсол ба тавре рекордӣ он авохири моҳи феврал фаро расид. Ҳавосанҷон изҳор доштанд, ки давоми як ҳафта зуд гарм шудани ҳаво дар ин кишвар бесобиқа аст.
Зеро як ҳафта қабл, аниқтараш рӯзи 14 феврал дамои ҳаво дар Геттинген ва Саксония то 28 дараҷа сард буд, аммо рӯзи 21 - уми феврал ҳаво то 18 дараҷа гарм шуд.
Ба ҳамин минвол, ҳафтаи ҷорӣ ҳавои Олмон то 41 дараҷа тафсон шуд. Чунин гармшавии ҳаво ҳанӯз соли 1880 ба қайд гирифта шуда буд.
Мутаххасисон мегӯянд, бо чунин суръат гарм шудани ҳаво чандон хуб нест, зеро дарахтоне, ки ҳоло гул кардаанд, зуд пажмурда мешаванд.