ДУШАНБЕ, 17 фев - Sputnik. Бино ба иттилои дафтари матбуотии ин ниҳод, ҷавони 21-солаи сокини ҷамоати деҳоти Истиқлоли ноҳияи Ҷайҳун бо ҷурми одамкушӣ зимни як амалиёт боздошт гардид.
30 декабри 2020, 12:50
Ба иттилои манбаъ, номбурда, 15-уми феврали соли 2021, тахминан соати 20:00, дар кӯчаи Деҳотии пойтахт марди 31-солаи сокини ҷамоати деҳоти Киблаии ноҳияи Рӯдакиро дар дохили автомашинаи шахсиаш тамғаи “Хундай-Салярес”, ки ба мусофиркашонӣ машғул буд, бо бераҳмии махсус қатл кардааст.
Ба иттилои манбаъ, боздоштшуда ба узвҳои ҳаётан муҳими ронанда, қисми гардан, қафаси сина аз пешу қафо бо корд зиёда аз 42-маротиба зада, аз ҷойи ҳодиса ғайб задааст.
Гуфта мешавад, дар натиҷа, ҷабрдида ҷароҳатҳои вазнини ҷисмонӣ бардошта дар ҷойи ҳодиса ба ҳалокат расидааст.
ВУД мегӯяд, аз рӯи ин ҳодиса тафтишот идома дорад.
Бино ба иттилои дарёфтии Sputnik Тоҷикистон нафари ҳалокшуда зодаи ноҳияи Муминобод ва таксирони ширкати "1111" буда, мусофир ӯро барои маблағи роҳкиро кушатааст, аммо ВКД сабаби рухдоди қазияро шарҳ надодааст.