Вазири умури хориҷии Русия Сергей Лавров мегӯяд, ки ҳоло Русия тақрибан нуқтаҳои тамос бо Иттиҳоди Аврупоро надорад ва ин айби худи Аврупост.
Сергей Лавров таъкид кард, ки Брюссел солҳост қасдан муносибатҳоро бо русия хароб карда истодааст. Ба таъкиди ӯ, ҳоло аз муносибатҳои Русия бо аврупо қариб чизе боқӣ намондааст.
"Вохӯриҳо кам ба назар мерасанд ва ҳатто агар баргузор шаванд, ҳатман яктарафа ҳастанд", - афзуд Лавров.
Вазири рус мегӯяд, дар гуфтушунидҳо танҳо манфиатҳои Аврупо ба назар гирифта мешаванд.
Вазири умури хориҷии Русия гуфт, ки Русия омодааст муносибатҳои муқаррариро бо ИА барқарор кунад, аммо танҳо ба шарте, ки манфиатҳои ин кишвар низ ба инобат гирифта шаванд.