ДУШАНБЕ, 5 фев — Sputnik. Маҳмадюсуф Имомзода, вазири маорифи Тоҷикистон, имрӯз зимни нишасти матбуотӣ, таъкид дошт, ки масъалаи таъсиси донишгоҳи муштарак бо Ӯзбекистон дар ҳоли баррасӣ аст ва Донишгоҳи давлатии шаҳри Хуҷанд барои таъсиси донишгоҳи муштарак муваззаф шудааст.
Дар ҳамин ҳол, вазири маориф нагуфт, ки донишгоҳи муштарак бо Ӯзбекистон кай ва чӣ гуна ба кор оғоз мекунад.
Ёдрас мешавем, ки соли гузашта мақомоти Ӯзбекистон эълон карда буд, ки донишомӯзӣ дар 16 донишгоҳи Тоҷикистону Қирғизистон ба бозори меҳнати ин кишвар ҷавобгӯ нест.
Мақомоти Ӯзбекистон аз довталабони худ даъват кард, ба донишгоҳҳои кишварҳое раванд, ки дар раддабандиҳои омӯзишии номдор қарор гирифтаанд.
Мақомоти Тоҷикистон гуфтанд, ба хулосаҳои ҷониби Ӯзбекистон розӣ нестанд.