ДУШАНБЕ, 12 янв — Sputnik. Шабонарӯзи гузашта дар Тоҷикистон ягон мавориди мубталошавӣ ба маризии коронавирус сабт нашуд, хабар медиҳад Вазорати тандурустӣ.
Ба иттилои манбаъ, то рӯзи 12 январ дар Тоҷикистон дасти кам 13 308 гирифтори бемории коронавирус ба қайд гирифта шуданд.
Зимнан, аз ин теъдод маризон аллакай 13 215 нафар комилан сиҳат шуданд. Аз замони авҷи маризии COVID-19 дар мамлакат 90 нафар фавтиданд.
Вазорат мегӯяд, ҳоло дар Тоҷикистон танҳо 3 маризи коронавирус боқӣ мондаанд. Аз бозе, ки вазъи сиҳатии онҳо сабук аст, табобатро дар хонаҳо зери назорати табибон гирифта истодаанд.
Се ҳолати нав: омори гирифторӣ шифо ва фавт аз коронавирус дар Тоҷикистон
Бояд қайд намуд, ки вазири тандурустӣ Ҷамолиддин Абдуллозода зимни як мусоҳибааш бо агентии "Ховар" таъкид намуд, ки маризии коронавирус то авоили фасли тобистон аз Тоҷикистон нест мешавад.