ДУШАНБЕ, 9 январ - Sputnik. Паҳлавони маъруфи тоҷик Баҳодур Усмонов дар доираи Ҷоми "Матч! Боец", ки бо пирӯзии боэътимоди ӯ ба анҷом расид, дар саҳнаи ҳирфаӣ муборизаи нав доир кард.
Ин дафъа рақиби ӯ Ҳусейн Муҳаммадов аз Русия буд ва муҳориба дар Сочи баргузор шуд.
Рақобат миёни муштазанҳои аз Душанбе ва Махачқалъа дар вазни 64 кило баргузор шуд.
Сарфи назар аз он, ки ҷанг бодиққат оғоз ёфт, Усмонов муддати дароз дар муҳофизат қарор гирифт ва баъдан ба ҳуҷум гузашт, ки самар дод.
Хастагии Магомедов ба мағлубияти ӯ оварда расонд ва ӯ даври охиринро бохт.
Ҳамзамон доварон дар ҷараёни рақобат ҳолати мусовиро сабт карданд, аммо ба шарофати пирӯзӣ дар даври охирин бурд ба варзишгари тоҷик насиб гардид.
Ёдовар мешавем, ки охири моҳи декабр Баҳодур Усмонов нахустин қувваозмоияшро дар бокси ҳирфаӣ анҷом дод.
Усмонов боз пирӯз шуд: доварон ғолибиятро ба размикори тоҷик доданд
Дар доираи мусобиқаи Shamo Boxing Promotions ӯ бар Вилдан Минасови русиягӣ ғолиб омад ва дар набарди дуввуми худ, дар доираи мусобиқа дар Сочи, Усмонов ба Амир Басиров пирӯз гашт.