ДУШАНБЕ, 31 дек — Sputnik. Тими музокиракунандаи давлати Афғонистон бо интишори баёнияе эълом кард, ҳайати музокиракунанда, ки дар таркиби он ҳуқуқдонону уламои барҷаста ҳузур доранд, дар сӯрати ниёз ба ташреҳи низоми исломӣ, ба қонӯни асосӣ муроҷиа мекунанд ва аз зарфиятҳои дигар низ машварат мегирад, иттилоъ додааст хабаргузории "Парстудей".
Бар асоси асноди фош шуда аз дастури кори пешниҳодии Толибон барои музокироти сулҳ, меҳвари асосии пешниҳоди Толибон барқарории"низоми исломӣ" ва соири аҷзои асосии он, аз ҷумла навъи заъомат(раҳбарӣ), Шӯрои исломӣ, Қонуни асосӣ ва низ ҳуқуқи занон ва озодии баён дар "партави ислом" аст. Толибон низоми кунӯнии Афғонистонро ғайри исломӣ медонад ва муддаии талош барои эҷоди як низоми исломӣ аст.
Баёнияи тими музокиракунандаи давлати Афғонистон дар бораи онки дар сӯрати ниёз ба ташреҳи абъоди низоми исломӣ ва коркардҳои он ба қонуни асосии ин кишвар муроҷиа хоҳад шуд, гӯёи вурӯди гуфтугӯҳои сулҳ ба марҳалае пурчолиш аст, ки метавонад нуқтаи атфи раванди сулҳи Афғонистон бошад.
Толибон, ки аз 12 сентябри 2020 вориди фароянди музокироти сулҳ бо давлат Афғонистон шудааст, ба мувозоти таъкид бар лузӯми хурӯҷи ҳамаи низомиёни хориҷӣ аз ин кишвар бар ташкили низоми исломӣ бо мухтасоти мавриди иддаоии худ исрор дорад.