ДУШАНБЕ, 18 дек — Sputnik. Президенти ФИФА Ҷанни Инфантино Рустами Эмомалиро ба муносибати бори дигар ба вазифаи президенти Федератсияи футболи Тоҷикистон интихоб шуданаш табрик гуфт, гузориш медиҳад ФФТ.
"Президенти муҳтарам, лутфан саломи гарму ҷӯшон ва табрикоти самимии маро ба муносибати дубора интихоб шуданатон ба симмати Президенти Федератсияи футболи Тоҷикистон дар Конгресси интихобии Федератсияи футболи Тоҷикистон қабул кунед", - омадааст дар мактуби шодбошӣ.
Боварӣ дорам, ки шумо табрикоти маро ба муовинони президент ва дигар аъзои Кумитаи иҷроияи ФФТ, ки дар якҷоягӣ бо Шумо аз нав интихоб шудаанд, мерасонед, афзудааст вай.
Ҷанни Инфантино ҳамчунин аз Рустами Эмомалӣ барои рушди ин бахши варзиш изҳори сипос кардааст.
Таҳрири Оиннома: аз дастури Рустами Эмомалӣ то шомилшавии Саидзодаю дигарон ба раёсати ФФТ
Ёдрас мешавем, Рустами Эмомалӣ, шаҳрдори Душанбе, раиси Маҷлиси миллии Тоҷикистон чанде пеш дубора роҳбар ё президенти Федератсияи футболи Тоҷикистон интихоб гардид.
Ӯ аз соли 2012 роҳбари ин федератсия аст.