ДУШАНБЕ, 18 ноя - Sputnik. Тибқи иттилои дафтари матбуотии президент, президенти Тоҷикистон бо содир кардани фармоне Аҳмадзода Ҷамшед Ҷалолро аз раҳбарии Кумитаи меъморӣ ва сохтмон барканор кардааст.
Манбаъ сабаби барканории Аҳмадзода Ҷамшед Ҷалолро ба синни нафақа расидани ӯ арзёбӣ кардааст.
Ба иттилои манбаъ, ҳамзамон бо фармони раисиҷумҳур Зувайдзода Маҳмадсаид Маҳмуд Раиси Кумитаи меъморӣ ва сохтмони назди Ҳукумати Ҷумҳурии Тоҷикистон таъин гардидааст.
Барканории Маъруф Муҳаммадзода шаҳрдори Хуҷанд бо фармони Раҳмон
Ёдовар мешавем Зувайдзода Маҳмадсаид Маҳмуд то ин замон дар вазифаи муовини шаҳрдори Душанбе Рустами Эмомалӣ кор мекард.
Зувайдзода Маҳмадсаид Маҳмуд 51-сол дошта аз рӯи касб муҳандис-сохтмончӣ мебошад.