ДУШАНБЕ, 17 окт – Sputnik. Рақобат миёни размикори ирландӣ Конор Макгрегор ва рақиби амрикоии ӯ Дастин Поре санаи 23 январ баргузор мешавад. Дар ин бора худи Поре дар сафҳаи Инстаграми худ хабар дод.
"Тасдиқ шуд. Санаи 23 январ. Ҷаҳон тамошо хоҳад кард", - навиштааст Поре.
Зимнан, рақиби ӯ Конор Макгрегор низ дар сафҳаи худ дар Твиттер санаи баргузор шудани муҳорибаро эълон кард.
Макгрегор ҷонибдори он аст, ки муҳориба дар Сowboys Stadium дар Далласи Амрико доир гардад.
Гуфта мешавад, Конорро пас аз ин муҳориба, рақобат бо размикор аз Филиппин Мэнни Пакяо интизор аст.
Муҳорибаи Конор бо Поре дар ҳолест, ки қаблан размикори ирландӣ аз куллан тарк кардани октагон лоф мезад. Аммо ба эҳтимоли зиёд, ин размикор нияти берун рафтан аз ин намуди варзишро надорад.