ДУШАНБЕ, 16 окт — Sputnik. Бино бар иттилои ВКД Тоҷикистон, ҳодиса 4-уми октябри соли 2020, тахминан соати 12:50 дар ноҳияи Бӯстон рух додааст.
Тавре манбаъ менависад, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 33-солаи сокини ноҳияи Спитамен бо гумони қасдан расонидани зарари миёна ба саломатӣ дастгир карда шуд.
"Номбурда, санаи 4-уми октябри соли 2020, тахминан соати 12:50 дақиқа, воқеъ дар маҳаллаи Нави шаҳри Бӯстон бо марди 46-солаи сокини ноҳияи Б.Ғафуров ҷангу ҷанҷол карда, бо арматура ба сараш 1-маротиба задааст", - тавзеҳ мидиҳад манбаъ.
Дар натиҷа, номбурда ҷароҳати вазнини ҷисмонӣ бардошта, дар беморхона бистарӣ гардидааст.
Бархӯрди маргбори се мошин дар роҳи Душанбе - Чаноқ: шарҳи ВКД-видео
Нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.