ДУШАНБЕ, 11 октябр - Sputnik. Роҳбари шаҳр аз қитъаи интихоботии №15, ки дар ҳудуди ноҳияи Исмоили Сомонӣ воқеъ аст, дидан кард.
Ёдовар мешавем, ки дар Тоҷикистон қитъаҳои овоздиҳӣ аз соати 6:00 кушода шудаанд, ки дар он шаҳрвандон раҳбари ояндаи кишварро интихоб мекунанд. Умуман, дар ҷумҳурӣ 3414 комиссияҳои интихоботӣ кор мекунанд.
Имсол барои курсии сарвари давлат панҷ номзад рақобат мекунанд: Рустам Латифзода аз Ҳизби аграрӣ, Абдуҳалим Ғаффорзода аз Ҳизби сотсиалист, Эмомалӣ Раҳмон аз Ҳизби халқӣ-демократӣ, Рустам Раҳматзода аз Ҳизби ислоҳоти иқтисодӣ ва Мироҷ Абдуллоев аз Ҳизби коммунист.
Тибқи қонунгузории амалкунандаи Тоҷикистон, президент ба мӯҳлати 7 сол интихоб мешавад. Номзаде бо зиёда аз 50% овозҳо ғолиб хоҳад шуд.
Бино ба иттилои Комиссияи марказии интихоботӣ беш аз 4 миллиону 900 ҳазор шаҳрванди Тоҷикистон ҳаққи ширкат ба интихоботи президентиро доранд.