ДУШАНБЕ, 4 окт — Sputnik. Давоми шабонарӯзи гузашта дар Қирғизистон 244 ҳолати нави гирифторӣ ба COVID - 19 ба қайд гирифта шуд, хабар медиҳад ситоди ҷумҳуриявӣ оид ба мубориза бо коронавирус.
Шумораи бештарини сироятшудагон дар вилояти Ҷалолобод ба қайд гирифта шудааст. Ин ҷо дар муддати 24 соати гузашта — 79 кас мубталои коронавирус шудааст. Омори дигар манотиқ чунин аст: вилояти Ӯш — 62, Ботканд — 33, Бишкек — 26, Ӯш — 25, вилояти Чуй - 8, вилояти Иссиқкӯл — 6, вилояти Норин — 3 ва вилояти Таласс — 2.
Давоми як моҳи гузашта теъдоди гирифторон дар Қирғизистон кам шуда буд, вале ин моҳ боз дубора авҷ гирифт.
Аз замони ҳамагирии коронавирус то имрӯз дар Қирғизистон 47 428 нафар гирифтори коронаврус шудааст.
Дар 24 соати гузашта аз ин вабои аср 140 кас шифо ёфта аз саршавии беморӣ то кунун 43 418 нафар ин бемориро ба хубӣ паси сар карданд.
Хушбахтона дар давоми шабонарӯзи гузашта дар кишвар ягон ҳолати фавт аз коронавирус ба қайд гирифта нашудааст. Аз аввали ҳамагирӣ бошад дар Қирғизистон 1066 кас қурбони ин вабои аср шудааст.