Гурӯҳи кории байниидоравии назди вазорати молияи Тоҷикистон таҳияи лоиҳаи нави Кодекси андозро анҷом дод. Тибқи лоиҳаи мазкур теъдоди андозҳои умумӣ аз то 7 намуд кам хоҳад шуд. Инчунин тибқи лоиҳаи мазкур реҷа ва низоми андозбандӣ низ дигар хоҳад шуд.
Бино бар иттилои коршиноси масоили иқтисодӣ Зулфиқори Исмоилён, қаблан дар Тоҷикистон корҳо барои кам кардани фоиз ва намуди андозҳо анҷом дода шуда буд.
Ба гуфтаи коршинос, ҳоло дар ҷумҳури ҳама аз андоз вобаста аст, чунки 95 дарсади қисми даромади буҷаи Тоҷикистон маҳз аз андозбандӣ, ҷарима ва боҷи гумрукӣ пур карда мешавад.
Исмоилён таъкид кард, ки ба иқтисоди Тоҷикистон вазъ дар бозори муҳоҷирати меҳнатӣ сахт таъсир гузошт.
“Ислоҳот дар соҳаи андозбандӣ – ин бисёр хуб аст. Андозбандӣ бояд кам карда шават то корхонаҳо ва соҳибкорон нафаси сабук кашанд. Ин ба сармоягузорон имкон медиҳад, сармояи худро ба Тоҷикистон сарозер кунанд”, - зикр кард коршинос.
Оқои Исмоилён таъкид, кард ки тағйироти мазкур имкон медиҳад ба иқтисоди ҷумҳурӣ кумак кунад ва роҳи сармояҳои хориҷиро ба иқтисоди кишвар боз кунад. Ҳамчунин, ин иқдом барои ҷумҳурӣ имкон медиҳад қарзҳои берунаашро пардохт кунад.